60
L’assessôr regjonâl al Lavôr Alessia Rosolen e à anunziât che “O vin previodût che il Sportel dal Centri pal implei di Cividât al torni a vierzi, dentri dal municipi dal Comun di Manzan, par fâ deventâ chest servizi simpri plui dongje dai citadins e des impresis. Slargjant la rêt dai centris publics pal implei sul teritori o volìn confermâ la impuartance dai temis dal lavôr pe Aministrazion regjonâl”.
Il sportel di Manzan, za atîf dai 4 di Setembar, si cjate dentri dal municipi, in vie Natisone 34, e al è viert ogni prime e tierce joibe dal mês des 9 di matine ae 1 dopomisdì, cun apontament. (a.d.g.) – 18.09.2025
