I zovins a domandin ai politics di fâ daurman par salvâ la tiere

I fantats dal Fridays For Future vuê a son tornâts in place, a Udin, a Gurize e a Triest, pal Siopar globâl pal Clime. I ativiscj a domandin une azion svelte ai leaders di dut il mont e, in particolâr, ae politiche taliane in viste des elezions.
Inte capitâl furlane il corteu, organizât di FFF Carnia, FFF Udine e XR Udine, al è partît di plaçâl Cavedalis; aes 10 in place Venerio, la manifestazion e je lade indevant cui varis intervents.
A Gurize, il corteu al è partît dal Parc dal Ricuart aes 10.30, dopo al à passât dute la citât par concludisi in place Sant Antoni, dulà che i ativiscj a àn metût a disposizion il microfon cussì che dute la citadinance e podès esprimi la sô opinion. (ADG) – 23.08.2022