La gjestion dai minôrs forescj no compagnâts che e je metude tes mans dai Comuns e stâ creant cetancj problemis ancje a Gurize.
Il so sindic, Rodolfo ZIberna al à cjapât cjarte e pene e al à scrit ai ministris dai Internis Matteo Piantedosi e des Financis Giancarlo Giorgetti (mandade par cognossince ancje al president de Regjon Massimiliano Fedriga) par domandâ che la responsabilitât pal acet e la gjestions dai minôrs e sedi cjapade in man in maniere direte dal Guvier, parcè che i comuns di confin, par colpe de Rote balcaniche che e continue a fa rivâ int, no rivin plui a fa front al probleme.
Par di plui il Stât al à ancjemò di tornâ a Gurize pase cuatri milions di euros pes sepsis vudis e chest al met in dificoltât lis cassis dal comun. (a.d.g.) – 02.09.2025
