Ancje Daçan, Codroip e Gurize e àn sielt i lôr gnûfs sindics, doi di centridiestre/centridrete e un di centriçampe. Il risultât plui spietât al jere chel di Gurize, unic cjâf lûc al vôt, dulà che il sindic Rodolfo Ziberna, sostignût dal centridrete, al è stât confermât cul 52,23% dai vôts (6.372 preferencis), intant che Laura Fasiolo, sostignude dal centriçampe, e à vût 5.827 vôts pâr al 47,7%. A Daçan il gnûf sindic al è Massimo Piccini elet cul 61,15% dai vôts (3.971 preferencis). Al à passât in maniere nete Enrico Guin che al à vût 2.523 vôts pâr al 38,85%.
A Codroip, Guido Nardini, poiât di Partît Democratic e Pôl Civic al è stât elet cul 59,61% dai vôts (3.621 preferencis), intant che Gianluca Mauro al à vût 2.453 vôts pâr al 40,39%. (A.D.G.) – 26.06.2022
