E je burascje politiche sul assessôr regjonâl al Ambient, Fabio Scoccimarro, esponent di prin plan di Fratelli d’Italia, pe sô partecipazion a une manifestazion indulà che ciertis personis a àn fat il salût roman.
I partîts di centriçampe a anunziin interogazions in Parlament e in Consei Regjonâl, ma Scoccimarro si difint afermant di vê “simpri rispietât la Costituzion”.
I salûts romans a son stâts fats, îr, a Triest, dilunc dal memoreament dal gjornalist triestin Almerigo Grilz, muart ai 19 di Mai dal 1987 in Mozambic, e che, di là di une strade inte capitâl juliane, al è stât titulât intai dîs passâts un premi gjornalistic.
Scoccimarro al jere presint a chê manifestazion, nol à mai fat il salût roman ma chest – par Pd, Possibile, Psi, Sinistra e Verdi, che a domandin lis dimissions – nol gjave nuie ae gravitât de partecipazion di une figure istituzionâl a une manifestazion là che al è stât fat il salût roman. (A.D.G.) – 22.05.2023
