“O sin braurôs di jessi tra lis Regjons talianis plui virtuosis intal doprâ i fonts comunitaris (plui di un miliart di euros pal periodi di siet agns 2014-20), tant che certificât de Cort dai conts che e ateste ancje che il Friûl-Vignesie Julie e sedi al prin puest intal nestri Paîs pe gjestion dal Por Fesr. La capacitât dimostrade di rivâ ai obietivis intermedis in anticip su lis tempistichis, gracie ancje aes altis competencis regjonâls, e à permetût di otignî premialitâts di caratar finanziari che a àn contribuît a dâ une altre sburtade ae nestre azion. Il nestri obietîf al è di lâ indevant dilunc dal percors otim tacât ancje inte atuazion de programazion di cumò 2021-27: par la cuâl al è stât metût in cjamp il Plan regjonâl di rigjenerazion aministrative pe assunzion di personâl adeguât e cualificât in maniere professionâl”.
Lu à dit vuê l’assessôr regjonâl aes Financis Barbara Zilli, presentant in Consei regjonâl il “Rapuart su la gjestion dai fonts comunitaris di bande de Regjon Friûl-Vignesie Julie. Programazion 2014-2020”. (a.d.g.) – 31.01.2024
