Lis aghis dal Friûl Vignesie Julie a son buinis pe balneazion. Lu à dit Fabio Scoccimarro, assessôr regjonâl al Ambient dilunc de presentazion de campagne di control des aghis di balneazion dal 2025: “Ancje chest an, cul svicinâsi dal Istât, la Arpa dal F-Vj – al à visât Scoccimarro – e à intensificât lis analisis de aghe par controlâ se e je buine pe balneazion. I dâts preliminârs tirâts su a pôcs dîs de viertidure de stagjon balneâr a son par dabon boins. Il 100% des aghis di balneazion de nestre regjon a son di cualitât ecelent o buine”.
Chest risultât, al à ancje visât Scoccimarro, al è il risultât dal impegn costant e de colaborazion tra istituzions ents di control, operadôrs dal teritori e citadins. “La cualitât des aghis dal nestri mâr – al à dit infin l’assessôr – al è un patrimoni di tutelâ cun responsabilitât e cjalant lontan”. (a.d.g.) – 12.05.2025
