La Zonte regjonâl e à aprovât vuê une delibare che e met a disposizion in dut 546 mil euros par doprâ furlan e todesc inte publiche aministrazion. “In cheste cifre – al à spleât l’assessôr regjonâl aes Autonomiis locâls, Pierpaolo Roberti – passe 286 mil euros a son destinâts ae Arlef pai sportei linguistics e par assumi dôs personis tal 2027. Altris 155 mil euros a coventaran par garantî e rinfuarcî il fat di doprâ lis lenghis minoritariis inte publiche aministrazion e par assumi cuatri personis dentri dal Servizi lenghis minoritariis e coregjonâi tal forest de Regjon”.
Par finî, 105 mil euros a saran a disposizion des aministrazions locâi di sapade, Paluce, Pontaibe, Sauris, Tarvis, Malborghet e Valbrune e de Comunitât de mont Cjanâl dal Fier e Valcjanâl indulà che si cjatin minorancis di lenghe todescje.
“Tal 2025 – al à visât Roberti – i finanziaments par tutelâ e promovi lis minorancis linguistichis furlane, slovene e todescje, a son stâts pâr a 7,4 milions di euros”. (a.d.g.) – 27.03.2026
