Fedriga su la condane dal sindic di Preon: “cussì e je a risi la Protezion civîl”

Il president de Regjon Friûl Vignesie Julie Massimiliano Fedriga nol à platât la sô fuarte preocupazion pes consecuencis de sentence che e à condanât il sindic di Preon: “Al è clâr – al à dit Fedriga –  che se la strade e je chê cjapade cun cheste sentence, al è il risi che e puedi sparî o jessi ridimensionade la Protezion civîl. Al è un probleme seri parcè che  o fevelin di sindics, volontaris e di organizazions che sul nestri teritori a permetin di frontâ lis emergjencis in maniere professionâl. Cumò o fasarìn ducj i aprofondiments che a coventin par capî cemût fâ parcè che, tal câs contrari, o sin a risi di ruvinâ une realtât che e je mostrade come esempli virtuôs in dute Italie e ancje inte Europe, un fat che no si podin permeti che al sucedi”. (a.d.g.) – 31.03.2026