Elezions nazionâls: la Italie a svolte a diestre

da Andrea Ioime

La Italie a svolte a diestre cun il risultât des elezions di domenie ai 25, che a àn viodût une clare afermazion dal centridiestre, ator dal 44%. La vitorie e je chê dal partît di Giorgia Meloni, Fratelli d’Italia, che al rive al 26%, intant che il rest de coalizion al segne un sbassament net, sedi pe Leghe che par Forza Italia, sot dal 10%. In Fvj il sucès al è ancjemò plui plen, cul centridiestre al 50% e FdI al 31%. A nivel nazionâl, il secont partît al è il Pd, che però nol rive di pôc al obietîf minim dal 20%, ancje se la coalizion di centriçampe e sorpasse il 26%. Tierç partît nazionâl il M5S (15%, in regjon però dome il 7%), intant che il “terzo polo” di Azione-Italia Viva al va dongje al 7%. La afluence e je stade in calâ a pet dal 2018, cuant che a votâ al jere lât il 78,85%: vuê a son pôc mancul dal 64%, inte nestre regjon un pâr di ponts in percentuâl in plui. (A.I.) – 26.09.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui