E va indenant la proteste des oposizions dentri dal Consei regjonâl

Dopo che îr lis oposizions a jerin ladis fûr de aule consiliâr a Triest, e va indenant la barufe politiche. I conseîrs di oposizion a domandin, ancjemò une volte, che la Zonte e dedi une rispueste su la crisi politiche che si è vierte dentri de maiorance.

Za îr, viodût che il president Fedriga si cjatave a Vignesie, si spietave che a rispuindi a fossin il vice president de Zonte Mario Anzil o il president dal Consei Mauro Bordin che no son rivadis. Dubis fuarts ancje su la posizion dai assessôrs che a àn metût lis lôr deleghis intes mans di Fedriga e che a sentavin in Consei, ma secont Bordin la lôr presince e jere legjitime. (a.d.g.) – 21.05.2025