Dôs incarghis impuartantis pai parlamentârs furlans Ciriani e Serracchiani

I grups parlamentârs ae Cjamare e al Senât a àn elet i lôr presidents, passaç essenziâl pal inviament de XIX legjislature e pe nassite dal gnûf guvier, stant che e dam la pussibilitât al President Sergio Mattarella di inviâ lis consultazions.

Pal Fvj, a son rivadis dôs confermis impuartantis. La prime al Senât, dulà che Luca Ciriani al vuidarà ancjemò il grup di Fratelli di Italia. La seconde ae Cjamare, dulà che al sarà Debora Serracchiani a jessi da cjâf i deputâts dal Pd. (ADG) – 18.10.2022