Inviât de Regjon l’iter par permeti aes impresis agriculis de zone di Pordenon, batudis dal brut timp dal passât Lui di domandâ une indenizazion pai dams patîts.
La Zonte regjonâl e à deliberât, daûr de propueste dal assessôr aes Risorsis agroalimentârs, forestâls, itichis e mont, Stefano Zannier, su la domande di inviâ al Ministeri des politichis agriculis, alimentârs e forestâls par otignî la declarazion de esistence di calamitât naturâl ecezionâl pai avigniments (aiaron e tampiestadis) ai 25 e ai 26 di Lui di chest an.
Di une prime stime i dams a son stâts valutâts cuasi 700 mil euros. Cemût che al à displeât l’assessôr, par otignî lis indenizazions lis impresis agriculis che a àn patît dams di plui dal 30 par cent de lôr produzion sporcje vendibile a varan di presentâ la domande dentri dal tiermin di 45 dîs de publicazion in Gazete Uficiâl dal decret ministeriâl che al declare la esistence dal avigniment ecezionâl. (ADG) – 23.09.2022
Domandât il ricognossiment di avigniment ecezionâl pe zone di Pordenon
125
