La Zonte regjonâl e à decidût vuê il disfasiment dal Consei comunâl di S. Vît de Tor e e à confermât in cualitât di comissari straordenari il dirigjent in cuiessence de Aministrazion regjonâl Giovanni Petris. La elezion dal gnûf sindic e dal gnûf Consei si fasarà tra i 15 di Avrîl e i 15 di Jugn dal 2024. A S. Vît de Tor si jerin dimetûts siet conseîrs comunâi su dodis, determinant cussì il disfasiment dal Consei par dimissions di plui de metât dai conseîrs.
Disfat cun di plui il Consei comunâl di Faedis dopo de pronunzie di decjadence determinade de acetazion de candidature ae cjarie di conseîr regjonâl di bande dal sindic, che no si è dimetût intai tiermins di leç. Fin aes elezions dai 2 e dai 3 di Avrîl (il Comun di Faedis al jere dut câs in scjadince intal 2023), il Comun al continue a jessi ret dal Consei e de Zonte in cjarie e lis funzions dal sindic a vignaran fatis dal vicesindic rezidôr. (A.D.G.) – 17.03.2023
