De Toni, miôr rimandâ la partide di balon tra Italie e Israêl

Intant che lis protestis a montin a nivel mondiâl cuintri di Israêl pai bombardaments su Gaza e pe muart par fam di cetancj fruts e no dome, a Udin al è un grant discuti su la oportunitât di dâ acet ae partide di balon Italie – Israêl che al è previodût pal 14 di Otubar.

Su cheste partide al à dite la sô il sindic di Udin Alberto Felice De Toni, che al è domandât di rimandâ l’apontament: “Il drame che al sta vivint Gaza- al à dit De Toni ancje tignût cont di pase 20 mil firmis tiradis su di Alleanza Verdi Sinistra-Possibile – nol è compatibil cuntune partide di balon. Che si rimandi l’incuintri”.

De cuistion si fevelarà joibe ai 4 di Setembar dilunc de riunion dal Comitât pal ordin e la sigurece. (a.d.g.) – 01.09.2025