Crisi in Regjon, spiete fuarte pal incuintri tra Fedriga e Meloni

L’incuintri tra il president dal Friûl Vignesie Julie, Massimiliano Fedriga, e la president dal Consei, Giorgia Meloni, si fasarà joibe, ma a cui che al veve fevelât di un ritart provocât di une malatie “diplomatiche” al rispuint il stes Fedriga.

“O ai fevelât îr cu la president Meloni – al à visât Fedriga intant che al rivave pe ultime zornade dal festival des Regjons a Vignesie – che e je malade e o sin dacuardi che si viodarìn joibe. Mi displâs pe sô assence al Festival, ma ancje ie e pues inmalâsi come ducj”. (a.d.g.) – 20.05.2025