“I agjents che cumò a stan fasint i controi dilunc di 4 confins sui 16 al è miôr se a lavorin in citât”.
Al è stât une vore clâr il sindic di Triest Roberto Di Piazza ribatint il concet ai gjornaliscj di Telefriuli daspò des declarazions publicadis sui cuotidians dal Grup Nem.
Lis reazions a son stadis positivis de bande dal Centriçampe, tacant dal Pd e fintremai al Pat pe Autonomie e al Movimento 5 Stelle, convints di timp che chei controi sui confins cu la Slovenie no coventin a nuie.
Imbaraç e cidinôr tal Centridrete, ma Di Piazza al vise che “O fâs il sindic di 30 agns e se nol va ben o cjapi at”. Su la cuistion, cence mai fevelâ des declarazions di Di Piazza e je stade la Conseire di Futuro Nazionale Maddalena Spagnolo che invezit e à domandât che i controi a sedi rinfuarçâts. (a.d.g.) – 26.08.2026
