E mancje la conferme uficiâl de Cort di Cassazion ma, secont ce che a àn fat savê il moviment Gilet Arancioni e il Partito Popolare Azione, e je stade confermade la lôr esclusion des elezions dai 25 di Setembar.
Decision compagne, viodût ce che al è sucedût in Lombardie, e varès di jessi cjapade par Forza Nuova, Partito Animalista e Destre Unite, par un totâl di cinc partîts e siet listis. No ducj, di fat, a vevin presentât candidâts intai doi rams dal parlament.
Chescj partîts no vevin presentât lis firmis – in Friûl Vignesie Julie a son 750 – parcè che a calcolavin di jessi esonerâts, ipotesi, però, refudade prime de Cort di Apel e dopo de Cassazion. Gilet Arancioni e Partito Popolare Azione a àn anunziât za l’intindiment di ricori al Tar. (A.D.G.) – 31.08.2022
Confermade la esclusion des elezions di siet listis
144
