Celebrazions pai 50 agns dal taramot, e sarà ancje la president Meloni

Adun cul president de Repubbliche Sergio Mattarella, ai 6 di Mai e sarà presint pes celebrazions dal aniversari dai 50 agns dal taramot a Glemone ancje la president dal Consei Giorgia Meloni.

Ancje se no je ancjemò la conferme uficiâl de sô rivade, al è ce che al à lassat intindi  îr sot sere Massimiliano Fedriga, president de Regjon tal sierâ il so intervent a Vençon, dilunc de presentazion de iniziative de Udinese Calcio, che e à mostrât la maie cu la scrite “Il Friuli ringrazia e non dimentica” che e sarà doprade sabide ai 2 di Mai inte partide di balon cul Torin. (a.d.g.) – 30.04.2026