La propueste fate di Fratelli d’Italia e tal particolâr dal conseîr regjonâl Markus Maurmair di proponi basins di laminazion intai terens metûts a disposizion tra Spilimberc e Pinçan di un grup di agricultôrs no je plasude par nuie ae Lega che, par bocje dal so segretari regjonâl Dreosto, e à mostrât di no gradî cheste soluzion.
A chest progjet che al sta lavorant un grup di esperts (ma chê dai basins di laminazion piçui e sparniçâts dilunc dal flum e jere ancje la propueste di un impuartant studi di inzegnarie olandês fate tai agns passâts) ancje parcè che e je considerade une vore mancul grivie pal flum e e permetarès ancje di tornâ ae nature un toc dal liet cumò doprât pes coltivazions. Maurmair al à sotlineât che nol à nissune preclusion e che ogni decision e sarà cjapade plui indenant su la fonde dal contignût dal document che al valutarà dutis lis alternativis e che al rivuardarà dut il flum. (a.d.g.) – 20.10.2025
