“O vin aprovât in vie definitive il Ddl par reintrodusi il nivel di guvier intermedi intal Statût regjonâl. Il test al larà in Aule a Zenâr e al previôt chês modificazions statutariis necessariis par ripuartâ lis provinciis in Friûl- Vignesie Julie. Dopo la aprovazion in Zonte e la intese rivade al Cal, vuê o vin lât dentri ancje une altre zontade dedicade ae abrogazion di disposizions dal Statût aromai passadis, intervent che al costituìs la ocasion par inviâ une revision dal Statût di autonomie ancje in viste dal apontament impuartant dal 2023 o sedi il so sessantesim aniversari”.
Lu à riferît l’assessôr regjonâl aes Autonomiis locâls, Pierpaolo Roberti, informant sul scheme di propueste di leç costituzionâl daûr dal art. 63 dal Statût regjonâl di autonomie, che al à a ogjet “Modificazions ae leç costituzionâl ai 31 di Zenâr dal 1963, n. 1 (Statût speciâl de Regjon autonome Friûl Vignesie Julie) in materie di ents locâi. (ADG) – 18.11.2022
