L’assessôr regjonâl al Ambient, energjie e disvilup sostignibil, Fabio Scoccimarro, al à partecipât vuê a buinore a Tumieç, inte sede de Regjon, ae presentazion dai doi parcs energjetics di fâ a Sudri e Ravasclêt in aplicazion de leç regjonâl 29 dal 2018. La norme e à istituît cheste forme particolâr di recupar teritoriâl incentrade su la imprese verde, inovative e a bas consum.
“I doi parcs energjetics tematics a coleghin dôs areis tant bielis fasint jeve sul recupar di edificis esistents e su la sostignibilitât ambientâl e energjetiche funzionâl al disvilup di un turisim lunc”.
A Sudri il progjet al partìs dal recupar di une vecje fabriche di mobii ae jentrade dal paîs, intant che a Ravasclêt si vûl tornâ vite a dôs malghis vuê in ruvine. (ADG) – 19.10.2022
