“O gracii di cûr il president de Regjon, Massimiliano Fedriga, e la Zonte regjonâl pal stanziament considerevul di 14 milions di euros destinâts ae promozion di GO!2025. E je la enesime dimostrazion de atenzion costante dal esecutîf regjonâl par Gurize e pe sfide che nus spiete”: cussì il sindic, Rodolfo Ziberna, al pant la sô sodisfazion e ricognossince pal stanziament impuartant, anunziât intal cors de Prime Comission dal assessôr regjonâl aes Financis, Barbara Zilli.
Su la destinazion dal finanziament, Ziberna al precise: “I fonts a serviran in particolâr par un setôr strategjic, chel dal marketing e de promozion. A son aspiets fondamentâi par sigurâ visibilitât, ancje in ambit internazionâl, ae Capitâl europeane de Culture e a ce che e rapresentarà par dut il nestri teritori. In chest mût o podarìn atrai visitadôrs e distinguisi tra lis destinazions turistichis di riclam intai agns dopo il 2025”. (a.d.g) – 30.11.2023
