“La Regjon e assegnarà al Comun di Barcis 50 mil euro par istituî un coordenament tra lis aministrazions locâls. Il so fin al è chel di individuâ soluzions condividûdis tra sindics e tecnics, di puartâ ae atenzion dai uficis regjonâi, par facilitâ il percors aministratîf e partî cui cantîrs par risolvi i problemis leâts al sglereament dal cjanâl de Ciline”. Lu à anunziât l’assessôr regjonâl al Ambient Fabio Scoccimarro ae fin dal incuintri a Pordenon sui sindics di Barcis, Montreâl, Erto e Casso, Cimolais e Claut.
Il vertiç al è servît par definî cierts aspiets tecnics che a permetin di une bande ai Comuns di sielzi in mût conciertât la soluzion miôr tra chês za individuadis pal prelêf dal materiâl e, di chel altri, ae Regjon di meti in pratiche i ats aministratîfs relatîfs. I sindics presints a àn decidût di rimeti il rûl di prin de file al Comun di Barcis. (ADG) – 7.11.2022
