Al è uficiâl l’ordin dai simbui des listis su lis schedis eletorâls in Friûl Vignesie Julie pes elezions politichis dai 25 di Setembar. Cheste matine la gjavade a sorte in Cort di Apel a Triest.
Ae Cjamare, l’ordin al previôt al prin ponût Azione – Italia Viva, lade daûr di Italexit, Movimento 5 Stelle, Mastella Noi di Centro, daspò la coalizion di centridiestre (Forza Italia, Noi Moderati, Fratelli d’Italia e Lega), Alternativa per l’Italia, Vita, Italia Sovrana e Popolare, Unione Popolare e ae fin il centriçampe (Impegno Civico, Pd, Verdi Sinistra, + Europa).
Pal Senât, da cjâf de liste e je Vita; daûr Unione Popolare, Alternativa per l’Italia, il centriçampe (Impegno Civico, Pd, Verdi e Sinistra, + Europa), Italexit, il centridiestre (Forza Italia, Noi Moderati, Fratelli d’Italia e Lega), Movimento 5 Stelle, Mastella Noi di centro, Azione-Italia Viva e, par ultime, Italia Sovrana e Popolare. (A.D.G.) – 01.09.2022
