60
La Regjon e metarà a disposizion dai lavoradôrs de base americane di Davian, cence stipendi di plui di un mês par vie des barufis politichis intai Stâts Unîts, un finanziament a gratis fintremai a 3.000 euros. A àn visât di cheste decision i assessôrs regjonâi Sergio Emidio Bini e Alessia Rosolen, che a àn concuardât cheste operazion adun cul sisteme dal credit cooperatîf regjonâl a pro dai dipendents.
Il finanziament al sarà dât de Banca 360 FVG e de BCC Pordenonese e Monsile e nol costarà nuie a cui che lu domande, ma i bêçs a varan di jessi tornâts dentri dai 15 di Zenâr dal 2026. (a.d.g.) – 12.11.2025
