Trê agjents de Polizie locâl di Udin a àn cjapât un encomi par jessi intervignûts daurman e jessi rivâts a a restâ l’om che al veve fate une rapine cuintri di un comerciant. L’assistent sielt Elisabetta Buiat e i agjents Mattia Iuri e Demetrio Rotondo a àn cjapât il premi te suaze de Zornade de Polizie locâl dal Friûl Vignesie Julie fate a Siets, des mans dal assessôr regjonâl ae Polizie locâl Pierpaolo Roberti.
Il fat al è dal Avost dal 2025: intant che a jerin a fâ controi sul teritori e je rivade la segnalazion de rapine e i agjents si son metûts daurman in vore par cjatâ il malvivent che al jere cognossût aes fuarcis dal ordin e al jere sfolmenât rivant in pôc timp a blocâlu. “Chest al è un ricognossiment ae professionalitât e ae sveltece dai nestris agjents” e à sotlineât l’assessôr ae Polizie locâl dal Comun di Udin, Rosi Toffano. (a.d.g.) – 12.05.2026
