Un cîl plen di stelis al è un spetacul, ma magari cussì no l’incuinament lusorôs lu à scancelât cuasi dal dut soredut sul plan.
E je però une pussibilitât par smaraveâsi sot di un cîl ancjemò avonde bon e cence patî pal masse cjalt in graciis di une biele iniziative inmaneade di Stefano Schirinzi e Gigliola Antonazzi dal Centro studi astronomici di Triest e di Stefano Codutti dal Circolo astrofili di Talmassons.
Si trate dal cuint Star Party, ven a stâi la Fieste des stelis inmaneade, ai 10 e ai 11 di Lui su la mont Mataiûr, dongje dal ripâr Pelizzo, indulà che si daran apontament apassionâts di dute la regjon che a metaran a disposizion de int il lôr telescopi, di dì par cjalâ il soreli (cuntun strument a pueste furnît de buteghe Skypoint di Cjampfuarmit) e di gnot par amirâ la cube stelade.
E sarà ancje la pussibilitât di mangjâ e durmî li dal ripâr Pelizzo daûr prenotazion. (a.d.g.) – 07-07-2026
