Servizis in vuaite pe nêf dilunc de autostrade

Autostrade Alto Adriatico e à aumentât i siei nivei di alerte intes ultimis oris par vie des previsions di glace e nêf par martars ai 6 di Zenâr, soredut inte zone dal Cjars di Triest. La societât e à cjapat misuris tecnichis, organizativis e gjestionâls buinis par frontâ cualsisei probleme critic che al podarès vignî fûr dilunc de sô rêt.

Il coordenament al è stât dât ae Unitât Organizative dai Servizis di Manutenzion, vuidade di Giovanni Cante de direzion des operazions. Cante al à ancje ativât un servizi di reperibilitât, organizât e dividût jenfri 14 gjestôrs di operazions e 26 assistents di percors: une scuadre di lavôr in grât di sigurâ la massime prontece operative dai veicui. (a.d.g.) – 05.01.2026