I carabinîrs de sezion operative de Compagnie di Udin a àn recuperât une vore di machinaris che a jerin stâts puartâts vie di un furgon tai dîs passâts a Tavagnà.
Intant che i operaris a jerin lâts a gustâ, int no cognossude a veve sfuarçât la puartele dal furgon parcât dilunc di une vie dal centri, puartant vie siet casselis di machinaris di valôr cun trapanadôrs, invidadôrs e cetancj acessoriis.
I operaris a àn fat daurman la denunzie dai Carabinîrs che si son metûts a cirî ator e par fortune lis ricercjis a son ladis ben tant che la robe puartade vie e je stade cjatade bandonade intun cjamp inte perifarie a Ovest de citât. Il valôr dal materiâl recuperât e tornât ae imprese al è di plui o mancul 17 mil euros. Intant a vadin indenant lis investigazions par cjatâ i laris. (a.d.g.) – 31.03.2026
