Presentâts i avigniments colaterâi pe tape dal Zîr di Italie

Cheste matine, a Udin si è tignude la presentazion dai avigniments colaterâi organizâts dal Comitât locâl de tape, in svicinament al apontament dai 27 di Mai dal 2023, pe ventesime Tape dal Zîr di Italie Tarvis-Mont Sante di Lussari. Ae presentazion a àn partecipât Andrea Cainero cu la sô famee, il sindic di Tarvis, il vicepresident de Regjon Riccardo Riccardi, l’assessôr aes Ativitâts produtivis e turisim Sergio Bini di là di tantis personalitâts che a zirin ator dal avigniment. I events a corolari a cjapin inviament ai 24 di Març, a Tarvis, cun incuintris cui students e cun personalitât dal sport – in chê date e sarà presentade uficialmentri la  Tape -. Ai 20 di Mai, aes 10 di matine, invezit, inaugurazion de strade de Mont Sante di Lussari cun “Together for Lussari”, une pedalade, su invît, cun e-bike, dilunc dal percors de ventesime Tape, a lâ daûr, la messe dal ciclist intal santuari de Mont Sante di Lussari. Joibe ai 25 di Mai gnot colôr di rose in colaborazion cu la associazion dai comerciants di Tarvis. (A.D.G.) – 02.03.2023