La Anas e vise che par completâ la instalazion di un cabli di corint sot tiere pe costruzion di une gnove rêt a medie tension, a coventin cambiaments temporanis dal trafic dilunc de statâl 54 “del Friuli” inte provincie di Udin.
Il lavôr al rivuarde la sezion jenfri i chilometris 20.400 e 18.400 tai comuns di Cividât, S. Pieri e S. Leonart e al fâs part des oparis fatis di E-Distribuzione Spa.
La ordenance e previôt la creazion di un sisteme alternât a une direzion, regolât di semafars o di assegnâts, su dutis lis corsiis, par une lungjece massime di 100 metris. La regolamentazion e sarà in vore dai 12 di Zenâr ai 16 di Fevrâr, des 8 di matine aes 6 e mieze sot sere, esclududis lis fiestis e i dîs prin des fiestis.
Cun di plui, dilunc dai cantîrs a son vietâts il sorpàs e il parc, intant che al sarà il limit di velocitât di 40 km/h, par garantî la sigurece dal trafic e chê dai lavoradôrs. (a.d.g.) – 08.01.2025
