45
Dongje de sede de Fondazione Progettoautismo Fvg e je stade îr sot sere la cerimonie par meti jù la prime piere dal vilaç intitulât a Enzo Cainero, indulà che a podaran vivi i zovins malâts di autisim adun cui lôr gjenitôrs, in mût di garantî un sisteme di auto mutuâl jutori.
E je stade poiade intes fondazions ancje la capsule dal timp, cun dentri la pergamene de fondazion firmade des autoritâts presints e dai testemonis di onôr. L’invistiment al sarà di dîs milions di euros: la Fondazion e à tirât su un milion di donazions e la Regjon Friûl Vignesie Julie e cuvierç il 70% dai coscj. “No si trate di semplice edilizie – e à visat la presidente de Fondazion Elena Bulfone – ma de traduzion in ciment de peraule mai plui di bessôi”.
