In Friûl Vignesie Julie di joibe a domenie si torne a schiâ dome intal comprensori di Nevee, che e vierzarà une part des pistis e cierts implants di assension, cuâi la telecabine Mont Cjanine, la teleferiche Gjilberts e la teleferiche dal Prevala. A Tarvis e a Plan dal Cjaval a saran vierts la telecabine de Mont Sante di Lussari e la telesente Tremol1, ma dome ai pedons.
Lis cundizions meteo di chescj dîs, cu la bondante ploie e lis temperaduris altis, e lis previsions no positivis, controladis vie apl incuintri di cheste matine tra i responsabii dai pôi dal Friûl Vignesie Julie, no permetin a chês altris localitâts turistichis de regjon di garantî il servizi, cu la uniche ecezion di Tarvis
Viodude la viertidure parziâl des pistis, PromoTurismoFVG e à decidût di fâ un scont dal 30 par cent sul acuist dai skipass.
L’inzornament prossim al è fissât par domenie dopomisdì e za de setemane prossime lis viertiduris a podaressin patî modificazions, in spiete de viertidure complete dai implants. (ADG) – 6.12.2022
