59
Al è stât liberât inte zone di Doberdò, indulà che al jere stât cjatât ferît dopo jessi stât cjapât sot, un zovin siacal dorât che al è stât curât dal personâl dal Centri di recupar de faune salvadie di Terranova a S. Canzian.
“O vin fat il pussibil par curâlu – a visin i esperts dal Centri – in graciis de colaborazion preseose di Stefano Pesaro e de sô scuadre de Universitât dal Friûl che a son stâts daûr al câs cun grande professionalitât”.
La bestie, dopo cualchi setemane di curis, e je cussì tornade libare. “Une liberazion – a àn contât i operadôrs dal centri di Terranova – che nus jemple di felicitât e che e conferme la impuartance dal lavôr fat par tutelâ la faune salvadie”. (a.d.g.) – 10.03.2025
