Lâ ator cu la biciclete di chês che si cjatin par strade al sarà plui convenient. Par incentivâ il bike sharing e la mobilitât sostignibil la societât RideMOvi che e gjestìs il servizi in citât e à sielzût il cjâf lûc furlan come prin puest in Italie par sperimentâ cheste promozion che e fasarà deventâ plui convenient il servizi di nauli des bicicletis.
Di cualchi dì e je ative su la app RideMovi la tarife Movi Flex: cuntun cost fis di 2,99 euros ogni 30 dîs, la int e podarà ve la tarife di 0,30 euros par 15 minûts di ûs cu la biciclete eletriche e di 0,15 euros pes bicicletis normâls.
Se si dopre plui di 15 minûts la biciclete la tarife e sarà che di simpri e chest al è stât fat par favorî l’ûs frecuent e par tocs curts des bicicletis a nauli. (a.d.g.) – 27.06.2025
