Docent de Universitât dal Friûl a cjâf di une impuartante riviste di Cambridge

Un professôr di Informatiche de Universitât dal Friûl clamât tant che gnûf cjâf redatôr di “Theory and practice of logic programming”, une des rivistis sientifichis plui impuartants a nivel mondiâl tal setôr de Inteligjence artificiâl simboliche e dal resonament automatic, in vore dal 1984.

Dovier, che al svante plui di 170 publicazions internazionâls, al è docent dal Dipartiment di Siencis matematichis, informatichis e fisichis e al è ancje delegât dal Ateneu ae Didatiche e ae Inteligjence artificiâl. In graciis di cheste nomine, la Universitât dal Friûl si conferme tant che pont di riferiment a nivel talian tal setôr de programazion logjiche. (a.d.g.) – 22.01.2026