A son rivâts in Italie convints di podê fâ ce che ur someave miôr, ma e je lade mâl. Cuatri citadins todescs a son stâts denunziâts dai Carabinîrs di felet e dai Financîrs dal Nucli operatîf di Udin par vê comprât cence nissune autorizazion e cence doprâ i regjistris che a son obligatoris cuant che si trate di cumierç di aur e ogjets preziôs.
I Agjents ju àn cjatâts intant che a compravin a presits alts e paiant cun bêçs contants aur e altre robe di valôr di tancj citadins, ingolosîts dai avîs publicats sui zornai locâi intai dîs passâts, che a visavin de operazion fate dentri dal Hotel Continental a Udin, indulà che e jere stade ancje prenotade une stanzie a pueste.
I cuatri todescs a son stât identificâts e denunziâts ae Procure de Republiche. (a.d.g.) – 21.05.2026
