Il Grup Danieli al à decidût di judâ tal concret lis popolazions batudis dal taramot intal Myanmar cuntune donazion di 48 mil euros ae fondazion Cesvi, organizazion umanitarie ative a nivel internazionâl.
I bêçs a saran doprâts par comprâ robe pal prin socors e di mangjâ, in plui che pe distribuzion di ripârs temporanis par garantî un lozament sigûr pes fameis restadis cence cjase.
La donazion al Cesvi e conferme la volontât de Danieli di sostignî progjets umanitaris impuartants, metintsi intes mans di organizazions innomenadis par competence e esperience inte gjestion dai intervents di emergjence. “La solidarietât – al à visât il president dal grup Alessandro Brussi – al è un dai valôrs che a fondin pes nestris aziendis”. (a.d.g.) – 30.04.2025
