Place Garibaldi e jere plene di citadins e students par saludâ i soldâts che a partissin pe mission di pâs bande dal Cossovo: cheste matine a Codroip, la cerimonie par saludâ il Reziment dai Lanceri di Novara, in partence ae volte dal Cossovo, sot de egjide des Nazion Unidis.
A jerin presints ancje il vice president de Regjon, Mario Anzil, il president dal Consei regjonâl, Mauro Bordin, il sindic di Codroip, Guido Nardini, e il comandant dal reziment, il colonel Federico Mora.
“O sin culì par saludâ feminis e oms che a stan partînt par une mission impuartante, cun la gratitudin di dute la comunitât par cemût che a rapresentin il nestri Paîs tal mont”, al à dit Bordin. “La Italie – al à sotlineât – e je simpri in prime linie cuant che si trate di judâ e puartâ la pâs tai teritoris che a àn patît une vore”. (a.d.g.) – 12.01.2026
