Il Cuarp forestâl regjonâl al è intervignût daspò che lis vuardiis ecozoofilis de Aisa a vevin segnalât che intune cjase di Trasaghis a jerin une vore di cjans mal tignûts,
Cuant che i agjents, adun cul personâl veterinari de Asufc e dal canìs di Tumieç a son intervignûts îr te abitazion, a àn cjatade une situazion par da bon brute, cun dîs cjans malnudrîts, debii, cence aghe e mangjâ e i cundizion griviis. E jere ancje une cjice cun cinc piçui cuntun mês di vite che no rivavin cuasi a stâ sù, tant che un al è muart pôc dopo jessi stât puartât al sigûr.
Pai veterinaris, cence chest intervent i puars cjans a saressin muart ducj. Lis besteutis a son stadis puartadis tal canìs di Tumieç indulà che a son stadis nudridis e curadis. Inte abitazion al è stât ancje cjatât un cjan za muart e il cuarp al sarà esaminât par sclarî lis responsabilitâts e il pussibil reât di copament di nemâi. Intant mari e fie che a son a vivi de cjase a son indagadis par maltratament di animâi. (a.d.g.) – 30.07.2026
