93
Il Partito animalista italiano, rapresentât dal avocat Cristiano Ciriello e de puartevôs Irene Giurovich, al à depositât te Procure de Republiche di Udin une denunzie pal copament cun crudeltât di une bestie protezude, zontant ancje dai file audio che al à vût di un anonim suntune clavute Usb.
Su la fonde di ce che a àn pandût i rapresentants dal partît, lis regjistrazions a contin cemût che il cesen al è stât copât di plui sogjets leâts in cualchi maniere al ambient venatori, che daspò a varessin puartât la bestie muarte intun ristorant de zone.
Il Partito animalista italiano al domande une acelerazion des indagjins e la adozion di misuris cautelârs e al à anunziât la volontât di costituîsi part civîl intal procès. (a.d.g.) – 19.05.2026
