Confermade ancje intal 2023 la assegnazion de Bandiere Blu par Grau e Lignan. I doi comuns a son i unics in Friûl-Vignesie Julie a vê otignût il ricognossiment, assegnât de Foundation for Environmental Education (Fee) a 226 localitâts su la cueste di dute Italie.
Grau e Lignan, compagn che tal 2022, a àn passât l’esam che al valute, di là de cualitât des aghis di balneazion, eficience de depurazion e de gjestion dai refudums, areis pedonâls, pistis ciclabilis, furniment urban, areis verdis, servizis su la splaze, abatiment des barieris architetonichis, struturis alberghiris, servizis di utilitât publiche sanitarie, informazions turistichis, pescje sostignibile.
Par Lignan e je la trentesime cuarte bandiere blu; par Grau la trentesime cuinte. (A.D.G.) – 12.05.2023