Auto fûr strade pôc dopo Tarvis e va jù par vincj metris inte scarpade

Une femine zovine e je lade fûr di strade dopo vê pierdût il control de sô machine, lant jù par une ventine di metris pôc dopo un puint in direzion di Cocau intor aes 10.30 di matine. Sul puest a son rivâts l’ecuipaç di une ambulance di Tarvis, l’elisocors – che però, al à scuignût tornâ indaûr par vie dal brut timp – lis Vuardiis dal fûc dal fûc dal distacament di Tarvis e i Carabinîrs. I pompîrs, operant adun cun personâl sanitari e Carabinîrs, a àn traspuart la zovine fin lì de strade dulà che e je stade cjariade su la ambulance che le à puartade al ospedâl di Tumieç dulà che e je ricoverade cun feridis lizeris. (ADG) – 9.12.2022