Anziane fraudade a Manzan dai fints tecnics dal gas

da Alessandro Di Giusto

Ancjemò un imbroi ai dams di une anziane di bande di fints tecnics dal gas. Al è sucedût îr dopomisdì a Manzan, dulà che une femine di 70 agns, in chel moment di bessole in cjase, e à viert la puarte de sô abitazion a dôs personis in monture di lavôr che le visavin che al jere in cors un malfunzionament ae cjalderie che e provocave la pierdite di gas metan.

A pene scomençâts i controi, la cubie e à invidât la femine a consegnâ dut i bêçs in so possès, sclarint che i biliets a podevin jessi contaminâts e a levin duncje bonificâts. A pene vût i bêçs, plui o mancul 750 euros, i doi malvivents a son lâts vie, scjampant di corse. Sul câs a indaghin i carabinîrs de stazion di Manzan. (a.d.g.) – 05.12.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui