Zornade pes vitimis dal lavôr, par Bordin e covente plui prevenzion

“Garantî  a cui che al lavore cundizions di sigurece al è un dovê etic ancje pes istituzions e pe politiche, che e à di fâ dutis lis azions pussibilis par sta dongje dai imprenditôrs in chest compit strategjic”

Lu à sotlineât Mauro Bordin, president dal Consei regjonâl dal Friûl-Vignesie Julie, pe ocasion de Zornade mondiâl dedicade aes vitimis dal lavôr e dal amiant.

Bisugne visâ che inte nestre regjon la situazion no je buine, parcè che l’Inail tai dîs passâts al à visât che i infortunis sul lavôr a son in cressite dal 8% tai prins doi mês dal an, a pet dal stes periodi dal 2024. (a.d.g.) – 28.04.2025