Par vantâsi di fâ une produzion artesanâl, tacant dai 7 di Avrîl al tocjarà vê carateristichis une vore precisis che in câs contrari a rivaran multis pardabon saladis.
A podaran clamâsi artesanis e doprâ l’adietîf artesanâl dome lis impresis che a son segnadis te liste. A son previodudis sanzions fintremai al 1% dal faturât, tacant di 25 mil euros par vê doprât in mût impropri i doi tiermins.
“E je une bataie fate e vinçude di Confartigianato – al à declarât cun grande sodisfazion Graziano Tilatti, president di Confartigianato Fvg -. In graciis des gnovis regulis che a son stadis aprovadis in graciis de sburte de nestre associazion, a son stât metûts palets une vore clârs, che a fasaran finî la concorence sleâl e a àn fat vinci l’artesanât vêr made in Fvg e made in Italy”. (a.d.g.) – 02.04.2026
