Viert a Udin il prin sportel dedicât al public in Friûl-Vignesie Julie su lis Comunitâts energjetichis rinovabilis (Cer). A inviâ la iniziative e je stade la societât cooperative Benefit Part-Energy di Udin, associade a Legacoop Fvg.
Il tai de curdele al è stât fat vuê in vie Graçan 47 a Udin, ae presince, di là dai vertiçs di Part-Energy e dal vicepresident di Legacoop Fvg Marco Riboli, ancje dal assessôr regjonâl aes Ativitâts produtivis e turisim, Sergio Emidio Bini, dal assessôr ae Planificazion teritoriâl, Edilizie privade, Politichis abitativis pe Edilizie sociâl e Protezion Civîl dal Comun di Udin, Andrea Zini, di là di tancj altris aministradôrs comunâi.
Sodisfazion pal travuart de bande di Legacoop Fvg. “Lis Cer – al comente il vicepresident de associazion, Marco Rioli – a son une oportunitât che o vin di savê cjapâ par contrastâ la puaretât energjetiche a pro di fameis e impresis, ma ancje parcè che a nudrissin une culture de comunitât che e promôf cooperazion e sostignibilitât”. (a.d.g.) – 14.09.23
