47
Une bancje solide, dinamiche e simpri plui leade al teritori: al è il profîl che al è saltat fûr de Assemblee dai socis di PrimaCassa – Credito Cooperativo Fvg, fate tal Ente Fiera di Martignà.
Dilunc dal apontament al è stât aprovât il belanç dal 2025 che al conferme il percors di cressite e rinfuarciment de Bcc, sedi sul plan economic – finanziari, sedi de bande dal impat sociâl e teritoriâl.
La racuelte e je rivade ai 2,4 miliarts di euros, in cressite dal 10,7% a pet dal an prime, intant che i bêçs dâts a imprest a son stâts plui di 1,2 miliarts (plui 10,2%) a testemoneance de capacitât di cheste bancje di sostignî tal concret fameis e impresis. (a.d.g.) – 12.05.2026
