Poste italiane e à visât che tacant di miercus ai 12 di Fevrâr a saran sierâts i uficis postâi di Dignan, Clodicj (Grimac) par fâ i lavôrs di ristruturazion che a permetaran di miorâ la cualitât dai servizis e dal acet. Pal stes motîf al sierarà l’ufici di Verzegnis di lunis ai 17 di Fevrâr.
I trê uficis a son metûts dentri di “Polis – Casa dei Servizi Digitali”, il progjet di Poste italiane par fâ deventâ plui sempliç e svelt doprâ i servizis de aministrazion publiche tai comuns cun mancul di 15 mil abitants.
Dilunc dal periodi dai lavôrs, a saran garantidis ai citadins dai trê comuns i servizis cuntun sportel dedicât a Cjarpât par chei di Dignan, a S. Lenart inte localitât Miers Disore par che di Clodicj, e tal ufici di Tumieç par chei di Verzegnis. (a.d.g.) – 10.02.2025
